Love Leabhair Gaeilge an Nollaig seo

Printer-friendly version

Rita agus an Síog MhaithTá leabhair Ghaeilge den scoth le fáil i leabharlanna áirithe Bhaile Átha Cliath an Nollaig seo i gcomhar le Love Leabhair Gaeilge.

Seo rogha de leabhair Ghaeilge le daoine óga a fháil ar iasacht (agus le daoine fásta freisin):

Rita agus an tSióg Mhaith le Máire Zepf. Andrew Whitson a Mhaisigh. (An tSnáithid Mhór)

Is Cailín beag í Rita le smaointe móra. Nuair nach bhfuil fonn uirthi í féin a ghléasadh ar maidin,samhlaíonn sí go bhfuil Sióg Mhaith aicí.
Ní bheadh le déanamh ag an tSióg ach a slaitín draíochta a chroitheadh agus-sbhúis! Ach cad a tharlódh ansin?

An Nollaig ThuasAn Nollaig Thuas le Aoife Ní Dhufaigh (Leabhar Breac)

Is sióg óg í Luisne atá ina cónaí faoi Lios Lurgain i nDomhan na Sí. Agus í ag foghlaim faoi shaol na sí agus faoi dhomhan na ndaoine, tarlaíonn go leor eachtraí di féin agus dá cairde.

Tá cuireadh faighte ag Luisne agus Deirdre an Nollaig a chaitheamh i measc na nDaoine sa Domhan Thuas. ‘Ná bainigí úsáid as na Cleasa Sí anseo,’ arsa Aintín Gormlaith leo. ‘Ní mian linn aird a tharraingt orainn féin!’ Ach nuair a thosaíonn cailíní na comharsan ag tromaíocht ar an mbeirt, bíonn an- fhonn orthu ceacht a mhúineadh dóibh!

 

Dónall Dána: Díoltas Dónall Dána: Díoltas le Francesca Simon. Tony Ross a mhaisigh (Cló Iar-Chonnacht)

Seans gur chuala tú faoin mbuachaill dána sin Horrid Henry. Anois tá sé in am aithne a chur ar Dhónall Dána, mar atá baistithe ar Horrid Henry sa leagan Gaeilge den tsraith cháiliúil le Francesca Simon atá á chur i gcló ag Cló Iar-Chonnacht agus iad maisithe ag Tony Ross. Tá sraith Dónall Dána / Horrid Henry aistrithe go Gaeilge bhreá nádúrtha ag meitheal aistritheoirí; Caitlín Ní Chualáin, Máirín Ní Ghadhra, Gormfhlaith Ní Thuairisg agus Marion Ní Shúilleabháin.

Tá cheithre gearrscéal istigh sa gcnuasach Díoltas agus tá an cnuasach ar cheann de dheich leabhar ar fad atá ar fáil sa tsraith Horrid Henry : Dónall Dána.

 

Dialann DúradáinDialann Dúradáin: Barr ar an Donas le Jeff Kinney. Máirín Ní Mhárta a rinne an leagan Gaeilge (Futa Fata)

Féach: beidh Greg Heffley ina dhúradán go deo.
Ach cén uair a thuigfidh a Dhaid an méid sin? Ceapann Frank Heffley gur féidir leis Greg a dhéanamh ‘fearúil.’
Agus le déanamh cinnte go n-éireoidh leis, Cuireann sé iallach ar Greg páirt a ghlacadh I gclub sacair agus cúrsaí ‘fearúla’ eile.
Ach nuair a thosaíonn Daid ag caint ar ‘Scoil Mhíleata’, tuigeann Greg go bhfuil sé in am aige caoi a chur air féin....

 

Oileán na nDraoithe Oileán na nDraoithe le Proinsias Mac a’ Bhaird (Éabhlóid)

Triúr laoch tréan a théann i gcomórtas le chéile leis na draoithe damanta a dhíbirt ó Oileán na nDraoithe go deo.
Ach cé acu a bheas an bua?
Tá draíocht, geasa agus siamsaíocht i ngach casadh den scéal.

 

Micí s'againne. Scríobh ag Caoimhin Mac a' Bhaird agus mhaisiú ag Christopher Ammentorp. (Éabhlóid)

Greannán úrnua atá lán grinn. Sa ghreannán seo leantar ‘Micí s’Againne’ agus a chara ‘Cibé Caidé’ agus iad ag tabhairt faoi scéimeanna ráscánta ar fud an bhaile. Is iomaí cleas a mbaineann an péire triail as, ach is minic a fhágtar iad sáite i gcruachás.
Le Gaeilge shoiléir shimplí, tá an leabhar seo fóirstineach d’fhoghlaimeoirí agus do pháistí líofa. Tá na léaráidí go hálainn agus i stíl chlasaiceach an ghreannáin. Tá Micí é féin ina charachtar óg spraíúil a thaitneoidh le daoine óga. Tá scéal iomlán ar gach leathanach, le tús, lár agus deireadh greannmhar gan choinne ar gach ceann. Eachtraí soineanta agus aisteacha, a mbeidh gach páiste tógtha leo agus a mbeidh siad in ann ceangal leo.

Oíche Chiúin  Oíche Chiúin le Werner Thuswaldner. Maisithe ag Robert Ingpen. Curtha i nGaeilge ag Andreas Vogel. (Futa Fata)

Scéal draíochtúil an amhráin Stille Nacht, Heilige Nacht, ón gcéad uair a canadh go poiblí é, anuas go dtí an lá inniu, agus é ar eolas ag daoine ar fud na cruinne ina dteanga féin. CD san áireamh de phríomhamhránaí Gugalaí Gug!, Caitlín Ní Chualáin.

 

 

Love Leabhar Gaeilge is a national campaign sponsored by Foras na Gaeilge, run by MeasMedia, and featuring all of the leading Irish language book publishers. Look out for Love Leabhar Gaeilge stands in libraries.

Foras na Gaeilge

Comments

NB: NOLLAIG

Go raibh maith agat Pól. Tá mó ghaeilge an meirgeach! le dea ghui
Gillian

Fáilte.
Nollaig Shona.

Add new comment

Feedback