Fleadh Margadh na Feirme

Tá an-áthas ar Chomhairle Cathrach Bhaile Átha Cliath imeacht nua ceoil tíre agus traidisiúnta saor in aisce a fhógairt i Lár Chathair Bhaile Átha Cliath. 

Beidh an chéad ‘Fleadh Margadh na Feirme’ ar siúl i mbliana ar an 18ú agus 19ú Meitheamh idir 12in – 6in gach lá i gCearnóg Mhargadh na Feirme. 

Is é Cearnóg Mhargadh na Feirme an spás tiomnaithe is mó d’imeachtaí i lár chathair Bhaile Átha Cliath, agus is é Fleadh na bliana seo an chéad cheann dá leithéid a bheidh ar siúl san áit.  

Dúirt Ardmhéara Bhaile Átha Cliath, Alison Gilliland: “Tá fíoráthas orm Fleadh Margadh na Feirme de chuid Chomhairle Cathrach Bhaile Átha Cliath a sheoladh chun spás a thabhairt do theaghlaigh agus do dhaoine óga chun taitneamh a bhaint as imeachtaí ceiliúrtha na Fleidhe amuigh faoin aer agus saor in aisce! Táimid an-bhródúil freisin as an ardán seo a thabhairt d’ealaíontóirí agus do cheoltóirí atá ag teacht chun cinn a gcuid buanna a thaispeáint tar éis sos fada ón gceol beo. Tá súil agam gur ócáid bhliantúil a bheidh anseo ag Cearnóg Mhargadh na Feirme, tógadh é le haghaidh imeachtaí díreach mar seo.”

Geallann an imeacht dhá lá clár de cheol beo ó raon ceoltóirí cumasacha ar fud shaol an cheoil tíre agus thraidisiúnta Éireannaigh, chomh maith le ceardlanna a mbainfidh an teaghlach ar fad sult astu. 

Eiseofar an clár agus tuilleadh eolais ar na himeachtaí sna seachtainí atá amach romhainn. Is í Comhairle Cathrach Bhaile Átha Cliath a eagraíonn an ócáid seo le tacaíocht ón Roinn Turasóireachta, Cultúir, Ealaíon, Gaeltachta, Spóirt agus Meán. 

***I gceangal leis seo gheobhaidh tú saothar ealaíne an imeachta***