Áiteanna Páirceála i gCathair Bhaile Átha Cliath
Tá rialacháin pháirceála in ainm is an saol a dhéanamh níos pléisiúrtha, níos ordúla agus níos áisiúla do gach duine tríd an méid seo a leanas a dhéanamh:
An fáth go bhfuil srianta páirceála ann i gCathair Bhaile Átha Cliath
Dearadh rialacháin pháirceála chun an saol a dhéanamh níos taitneamhaí, níos ordúla agus níos áisiúla do chách tríd an méid seo a leanas a dhéanamh:
- Deireadh a chur le bacainní agus brú tráchta a laghdú
- Feabhas a chur ar shábháilteacht ar bhóithre
- An fháil atá ar spásanna páirceála ar an tsráid a mhéadú
Is ortsa atá an fhreagracht a chinntiú go gcloíonn tú leis an dlí agus le rialacháin na cathrach agus tú ag páirceáil.
Is féidir leat páirceáil sna háiteanna seo a leanas:
- I spás páirceála agus úsáid á baint as ticéad Íoc agus Taispeáin, Clib Páirceála, Cead Páirceála Cónaitheora nó Cead Tiománaí faoi Mhíchumas. Chun iarratas a dhéanamh ar chead páirceála do thiománaithe faoi mhíchumas (Suaitheantas Gorm), déan teagmháil le ceachtar de na heagraíochtaí seo a leanas: www.ddai.ie (Cumann Tiománaithe faoi Mhíchumas na hÉireann) nó www.iwa.ie (Cumann Cathaoireacha Rothaí na hÉireann).
Áiteanna NACH FÉIDIR páirceáil
Tá roinnt ceantar i gCathair Bhaile Átha Cliath nach gceadaítear duit páirceáil. Tá sé mídhleathach páirceáil ar bhealach a chuireann isteach ar shreabhadh tráchta nó a dhéanann úsáideoirí bóithre eile a bhacadh nó a chur i mbaol.
Má thugann tú neamhaird ar na srianta seo, is féidir d’fheithicil a chlampáil nó a tharraingt chun bealaigh.
- Gan páirceáil i lánaí bus agus i nglanbhealaí le linn uaireanta oibre
- Gan páirceáil i raonta rothar ar bhonn 24 uair an chloig mura gcuirtear é seo in iúl ar chomhartha sráide
- Gan páirceáil ar línte buí dúbailte
- Gan páirceáil os trasna ó líne bhán leanúnach
- Gan páirceáil i limistéir pháirceála bus / cóiste
- Gan páirceáil ar chosán (go páirteach nó go hiomlán)
- Gan pháirceáil ar línte buí singil le linn na n-uaireanta a léirítear ar chomhartha sráide
- Gan páirceáil laistigh de 5 mhéadar ó acomhal
- Gan páirceáil ag trasrian coisithe nó soilse tráchta, laistigh de 15 mhéadar ar an taobh ina dtreo nó 5 mhéadar ar an taobh eile
- Gan cur isteach ar aon bhealach isteach d'fheithiclí ach amháin le toiliú an áititheora
- Gan páirceáil ag bealach isteach scoile
- Gan páirceáil ar imeall féir nó ar lárstráice
- Gan páirceáil i mbánna do dhaoine faoi mhíchumas gan cead páirceála bailí do dhuine faoi mhíchumas
- Gan pháirceáil i mbánna lódála le linn uaireanta a léirítear ar chomhartha sráide (ní féidir ach feithiclí earraí iad a úsáid ar feadh uasmhéid 30 nóiméad)
- Gan páirceáil i limistéir choisithe
- Gan páirceáil i stadanna tacsaí
Le haghaidh tuilleadh sonraí ar shrianta páirceála, féach na Rialacháin um Thrácht ar Bhóithre (Trácht agus Páirceáil), 1997 agus na Fodhlíthe um Rialú Páirceála, 2014.