Na gradaim phobail is mó in Éirinn ar siúl ag an gComhairle Cathrach Bhaile Átha Cliath

Tá ríméad ar an gComhairle Cathrach Bhaile Átha Cliath seoladh na nGradam ‘IPB Pride of Place 2026’ a fhógairt. 

Anois ina 24ú bliain, is iad na gradaim seo na gradaim phobail is mó sa tír.

Déanfaidh Comhairle Cathrach Bhaile Átha Cliath an t-imeacht a óstáil i mbliana agus beidh sé ar siúl ar an Satharn, 24 Deireadh Fómhair 2026. Taistealóidh 850 toscairí ó thimpeall na tíre chuig an Ionad Comhdhála i mBaile Átha Cliath don imeacht.

Agus é ag labhairt ag an seoladh ar maidin san Ionad Comhdhála, dúirt Ard‑Mhéara Bhaile Átha Cliath, Comhairleor Ray McAdam:

“Is onóir é do Bhaile Átha Cliath na Gradaim Pride of Place 2026 a óstáil in 2026, an ceiliúradh is mó ar ghaisce pobail aon áit ar an oileán seo. Léiríonn na gradaim seo rud éigin cumhachtach. Léiríonn siad na comharsana a dtugann a gcuid ama, agus an t‑oibrí deonach atá i láthair i gcónaí. Léiríonn siad an grúpa pobail a fheiceann go bhfuil riachtanas ann agus a fhreagraíonn é, agus na ceannairí áitiúla a fheabhsaíonn a mbaile, a sráidbhaile nó a gceantar ionas gur áiteanna níos fearr iad le cónaí iontu.

Agus mé i m’Ard-Mhéara, is é mo théama ná Baile Átha Cliath a cheiliúradh. Ach an Deireadh Fómhair seo, beidh sé de phribhléid againn ceiliúradh a dhéanamh ar rud éigin níos leithne, bród na bpobal as gach áit in Éirinn, agus seirbhís, spiorad agus flaithiúlacht na ndaoine a choimeádann na pobail sin le chéile. Táimid ag tnúth go mór le fáilte a chur roimh na toscairí ó gach cearn den tír chuig Baile Átha Cliath, chuig an Ionad Comhdhála, agus chuig cathair a thuigeann luach an phobail, cumhacht na háite, agus an tábhacht atá ann onóir a thabhairt do na daoine a chuireann an dhá rud le chéile.”

Is comórtas bliantúil é na Gradaim ‘Pride of Place IPB 2026’ atá eagraithe ag an gcarthanas, Co-operation Ireland, a chothaíonn síocháin, agus urraithe ag IPB Insurance.

Bunaíodh na gradaim chun barr feabhais san forbairt phobail a chur chun cinn agus a cheiliúradh. Tugtar aitheantas d’iarrachtaí neamhleithleacha na ndaoine aonair agus na ngrupaí a oibríonn go dícheallach chun a gceantair áitiúla a fheabhsú ionas gur áiteanna níos fearr iad chun a bheith i do chónaí, chun obair agus chun bualadh le chéile. 

Bhunaigh an Dr. O’Regan na gradaim, a raibh páirt shuntasacha aige i gcur chun cinn na síochána agus a chuaigh i ngleic le coimhlint a tháinig ó na Trioblóidí i dTuaisceart na hÉireann. Sa bhliain 1978, bhunaigh sé Co-operation North, tionscnaíocht dírithe ar dheighiltí trasteorann a shárú trí chomhoibriú eacnamaíoch, cultúir agus sóisialta idir Poblacht na hÉireann agus Tuaisceart na hÉireann. Ba nuálaí Éireannach é a ghabh air féin diallóg, comhthuiscint agus comhoibriú praiticiúil a chothú ar fud na bpobal.

Le cois é a bheith an 24ú bliain as a chéile, tá comóradh 100 bliain ar an príomhurraitheoir, IPB Insurance, ar siúl in 2026 chomh maith. 

Dúirt Príomhfheidhmeannach, Comhairle Cathrach Bhaile Átha Cliath, Richard Shakespeare:

“Is pribhléid agus onóir é na Gradaim Ceiliúrtha IPB Pride of Place Bhaile Átha Cliath a óstáil, atá ar siúl i bpáirt le Co-operation Ireland. Agus an 24ú bliain de na gradaim mheasúla seo á cheiliúradh againn, táimid ag ceiliúradh céad bliain d’IPB Insurance chomh maith – is garsprioc shuntasach é seo dóibh agus iad ag neartú agus ag tabhairt tacaíocht do phobail ar fud na hÉireann.

Is ceiliúradh é seo ar na daoine agus na grúpaí neamhghnácha a bhfuil a ndíograis, a n‑aisling agus a spiorad pobail ag leanúint ar aghaidh ag cruthú bailte, sráidbhailte agus ceantar atá níos fearr chun a bheith i do chónaí agus chun obair iontu, agus chun cuairt a thabhairt orthu. Tá ról ríthábhachtach ag an obair sárluachmhar a dhéanann saorálaithe agus eagraíochtaí áitiúla ar fud na tíre i gcruthú pobal láidir, gaolmhara agus bríomhara, agus ag tabhairt sampla spreagúil do na glúnta atá le teacht chomh maith.”

Dúirt Ian Jeffers, Príomhoifigeach Feidhmiúcháin, Co-operation Ireland:

“Leanann Pride of Place ar aghaidh ag taispeáint an spioraid phobail is fearr thar oileáin na hÉireann. Bliain i ndiaidh bliana, feicimid samplaí spreagúla de dhaoine ag teacht le chéile chun a gceantair áitiúla a fheabhsú, chun ceangail a neartú agus chun áit a chruthú ina mhothaíonn gach duine gurb é sin an áit is dual dóibh. 

Tá áthas orainn an comórtas 2026 a sheoladh, agus táimid thar a bheith sásta go mbeidh an bhailchríoch ar siúl san Ionad Comhdhála, Baile Átha Cliath. Ceiliúradh oiriúnach a mbeidh sé ar an obair neamhghnách a dhéanann daoine i ngach contae ar fud an oileáin agus is deis é dúinn ceiliúradh a dhéanamh ar chomóradh céad bliain an IPB, ár gcomhpháirtí Pride of Place fadtéarmach, a bhfuil an misean céanna acu chun daoine a thabhairt le chéile ionas go mbeidh síocháin faoi bhláth.”

Dúirt Tom Dowling, Cathaoirleach, IPB Pride of Place: 

“Is é cuspóir na ngradam seo ná chun an obair a dhéanann na pobail dhochreidte ar fud oileáin na hÉireann a cheiliúradh agus a aithint ar bhealach dáiríre. Tá ár n‑ainmnithe Pride of Place, ar ainmnigh a n-údarás áitiúil iad, ag obair i gcónaí chun go mbeidh a n-áiteanna féin áiteanna aoibhne comhbhácha chun a bheith i do chónaí iontu. Tá ár moltóir ag tnúth le bliain eile d’eispéireas inspioráideach agus moltóireacht á dhéanamh acu.”

Dúirt John Hogan, Cathaoirleach IPB:

“Is ceiliúradh cumhachtach iad na Gradaim ‘Pride of Place’ ar na daoine agus na pobail a thugann go leor dúinn, agus is minic nach mbíonn aitheantas á lorg acu. Agus céad bliain d’IPB á gceiliúradh againn, tá sé oiriúnach go bhfuil na gradaim i mbliana ceann de na cinn is mó riamh, atá á óstáil ag an Ionad Comhdhála, Baile Átha Cliath agus lena n-áirítear gradam speisialta le haghaigh comóradh céad bliain IPB.

Is onóir é dúinn tacaíocht a thabhairt do thionscnamh a léiríonn croí an fhrithpháirteachais, pobail ag obair le chéile chun athrú fiúntach a dhéanamh. Ba mhaith liom aitheantas a thabhairt do tiomantas leanúnach Chomhairle Cathrach Bhaile Átha Cliath agus an ceiliúradh uile-oileáin tábhacht á óstáil aici. Tá muid ag tnúth go mór le gaiscí iontacha na bpobal ar fud na hÉireann a aithint i mí Dheireadh Fómhair.”

DEIREADH