An Taispeántas ‘Scéal na Príomhchathrach’
![exhibition space](/sites/default/files/styles/inline_image/public/media/file-uploads/2018-10/KMF_5094.jpg.webp?itok=MdIShB-X)
Taispeántas ilmheán is ea ‘Scéal na Príomhchathrach’ a ghabhann siar chuig tús stair chathartha Chathair Bhaile Átha Cliath, ag tosú sa bhliain 441AD agus a thugann cuntas ar imeachtaí a tharla i rith chéad ionradh na Lochlannach agus a fhad anall leis an bhfichiú haois.
Taispeántar an stair do chuairteoirí ar scáileáin idirghníomhacha, fístaispeáintí, painéil faisnéise agus ar mhionsamhlacha a insíonn scéal stair achrannach na cathrach. Tá déantáin sa taispeántas, ar nós Shéala Chathair Bhaile Átha Cliath, Mhás Mór Bhaile Átha Cliath agus Chlaíomh na Cathrach; anuas ar bhailiúcháin nach bhfacthas riamh roimhe seo, ar nós na ndéantán, na n-earraí pearsanta, na n-earraí cuimhneacháin, na n-éidí agus na litreacha atá ar taispeáint ó Bhriogáid Dóiteáin Bhaile Átha Cliath chun comóradh a dhéanamh ar chuimhneachán céad bliain Éirí Amach 1916.
Tá ceann de na bun-Fhorógraí ó Éirí Amach na Cásca 1916 ar taispeáint, chomh maith, ag Halla na Cathrach. Bhronn muintir Elizabeth O’Farrell – príomhphearsa san Éirí Amach – an Forógra seo ar mhuintir Bhaile Átha Cliath, sna 1950idí. Tá an Bhratach bhunúil ‘An Gal Gréine’, ar a dtugtar Bratach na bhFianna nó Bratach na Cuntaoise Markievicz, chomh maith, ar iasacht ó Iontaobhas an Bhailiúcháin Ríoga, le caoinchead ón mBanríon Eilís II, 2016.
Bíonn an taispeántas ar oscailt ó Luan go Satharn ó 10:00 go 17:15 agus tá cead isteach ann saor in aisce.
![exhibition space](/sites/default/files/styles/gallery_teaser/public/media/file-uploads/2018-10/KMF_5094.jpg?h=62a1ef42&itok=uyhJWvLu)
![](/sites/default/files/styles/gallery_teaser/public/media/file-uploads/2018-10/KMF_5096.jpg?itok=aFgnTQ4K)
![](/sites/default/files/styles/gallery_teaser/public/media/file-uploads/2018-10/cropped_Mace_Thomas_Kelly.jpg?itok=5qVkRf8n)
![](/sites/default/files/styles/gallery_teaser/public/media/file-uploads/2018-10/croppedsword_Thomas_Kelly.jpg?itok=U1m9hTZA)