Cosán a mhionathrú le Rochtain ag Feithiclí a cheadú

Má theastaíonn uait cosán a mhionathrú chun ligean d’fheithiclí do réadmhaoin a iontráil nó a fhágáil, ní mór duit iarratas a dhéanamh ar dtús ar Sheirbhísí Cothabhála Bóithre ar chead.

Tugtar 'leacú feithicle' ar an saghas seo de mhionathrú.

Iarratas a dhéanamh ar 'leacú feithicle'

Chun Iarratas a dhéanamh ar 'leacú feithicle', lean na céimeanna seo thíos, le do thoil:

Céim 1: Cead pleanála (nó mionnscríbhinn faoi mhionn) a fháil

Teastaíonn cead pleanála uait chun leacú nua a chruthú nó chun leacú feithicle atá ann cheana a mhionathrú (m.sh. leacú a leathnú) ag an mbealach isteach chuig do réadmhaoin.

Aimsigh eolas ar conas iarratas a dhéanamh ar chead pleanála.

I gcás réadmhaoine ina bhfuil bealach isteach feithicle cheana féin

Má tá an leacú feithicle i do réadmhaoin ann le seacht mbliana, ar a laghad, agus má tá cead á lorg agat chun é a choinneáil, ní mór duit mionnscríbhinn faoi mhionn a fháil in ionad cead pleanála. Ní mór don mhionnscríbhinn seo a dheimhniú gur úsáideadh an bealach isteach le haghaidh rochtain feithiclí ar feadh 7 mbliana, ar a laghad.

Nóta: Is éard is 'mionnscríbhinn faoi mhionn' ann ná litir dhearbhaithe arna síniú agus arna fianú ag aturnae nó ag coimisinéir síochána.

Céim 2: Teagmháil a dhéanamh linn chun iarratas a dhéanamh ar leacú

Nuair a bheidh cead pleanála nó mionnscríbhinn faoi mhionn agat, déan teagmháil le Seirbhísí Cothabhála Bóithre. Ansin socróidh cigire cuairt a thabhairt chun cigireacht a dhéanamh agus meastachán a thabhairt duit maidir leis an leacú feithicle.

Táillí ar leacú feithicle

• €556 san iomlán le haghaidh leacú feithicle caighdeánach tí (a mhéid le 7 méadar chearnacha).
• €79.45 in aghaidh an mhéadair chearnaigh do leacú feithicle tí níos mó.
• Cuirtear táille bhreise i bhfeidhm má tá gá le colbhaí eibhir nó le hábhair speisialta eile.

Céim 3: Cuirfear tús leis na hoibreacha

Socróimid go dtosóidh an obair ag am cuí.

Má tá imeall crann agus/nó féir ann, ba cheart dul i dteagmháil le Seirbhísí Páirceanna agus Tírdhreacha ag 2225049 nó [email protected]  chun cigireacht a eagrú.