Conas Gearán a Dhéanamh
SULA DTOSAÍONN TÚ: Is féidir leat réimse saincheisteanna a thabhairt le fios do limistéar seirbhíse gan ár nós imeachta foirmiúil chun gearáin a dhéanamh a úsáid. Is minic gurb é seo an bealach is tapúla chun do shaincheist a réiteach.
NÓS IMEACHTA CHUN GEARÁIN A DHÉANAMH
Ba mhaith liom gearán a dhéanamh
Baineann tábhacht le do ghearáin do Chomhairle Cathrach Bhaile Átha Cliath, mar gheall go gcabhraíonn siad linn feabhsúcháin a dhéanamh. Mura bhfuil tú sásta le haon ghné de do chuid déileálacha linn, ba mhaith linne anseo i Seirbhísí do Chustaiméirí go gcuirfeá sinn ar an eolas. Is féidir leat gearán foirmiúil a dhéanamh sa phost, ar ríomhphost nó tríd ár bhfoirm ghearáin ar líne a chomhlánú.
Cad a tharlaíonn anois?
Cláróimid do ghearán agus cuirimid faoi bhráid na roinne ábhartha é. Seolfaimid aitheantas foirmiúil chugat laistigh de thrí lá oibre. Bheadh súil againn leis go n-eiseodh an roinn ábhartha freagairt ar do ghearán laistigh de 21 lá.
Cad ba cheart dom a dhéanamh mura bhfuil mé sásta leis an bhfreagairt?
Mura bhfuil tú sásta leis an bhfreagairt, is féidir leat an cinneadh a achomharc linn sa phost nó ar ríomhphost. Scrúdóidh Bainisteoir Feidhmiúcháin ár Roinne Seirbhísí Corparáideacha d’achomharc agus gheobhaidh tú freagairt a chuireann ar an eolas thú ar an gcinneadh a baineadh amach laistigh de 21 lá.
Nílim sásta go fóill leis an gcinneadh, cad a tharlaíonn anois?
Mura bhfuil tú sásta go fóill, is féidir leat an cinneadh a achomharc le hOifig an Ombudsman. Tá an oifig seo go hiomlán neamhspleách ó Chomhairle Cathrach Bhaile Átha Cliath Cuireann an tOmbudsman seirbhís neamhchlaonta, neamhspleách agus saor in aisce réitigh díospóide ar fáil.
Déan Teagmháil le hOifig an Ombudsman:
Oifig an Ombudsman,
18 Sráid Líosain Íochtarach,
Baile Átha Cliath 2
Guthán: Íosghlao 1890 22 30 30
Guthán: 01 639 5600
Facs: 01 639 5674
Ríomhphost: [email protected]
Láithreán Gréasáin: www.ombudsman.ie
Déanann an tOmbudsman do Leanaí imscrúdú ar ghearáin faoi sheirbhísí a chuireann comhlachtaí poiblí ar fáil do leanaí.
Déan Teagmháil le hOifig an Ombudsman do Leanaí
Oifig an Ombudsman do Leanaí,
Teach na Mílaoise,
52-56 Sráid na Trá Mhór,
Baile Átha Cliath 1,
DO1 F5P8.
Guthán: Íosghlao 1890 20 20 40
Guthán: 01 865 6800
Ríomhphost: [email protected]
Láithreán Gréasáin: www.oco.ie