Scéim Páirceála a Thosú

Chun iarratas a dhéanamh ar Scéim Páirceála Ceadanna Cónaitheoirí a thosú i do cheantar, déan teagmháil linn go díreach ag an seoladh thíos nó trí d'ionadaí poiblí tofa.

Seol an t-iarratas i scríbhinn, ina sonraítear an méid seo a leanas:

• D'ainm agus do sheoladh
• Sseoladh iomlán na sráide nó an bhóthair atá á mholadh agat don scéim Páirceála Íoc agus Taispeáin agus Ceadanna Cónaitheoirí. Ní mór do chónaitheoirí na sráide nó an bhóthair iarratais a dhéanamh, nó féadfaidh ionadaí poiblí iad a dhéanamh thar ceann na gcónaitheoirí.
• Fianaise tacaíochta: glacfar le líon iarrataí scríofa nó achainí shínithe, ina dtugtar le fios ainmneacha agus seoltaí 25% de na teaghlaigh ar an tsráid nó ar an mbóthar. Ní mór fianaise tacaíochta a chur san áireamh.

Seoltar an t-iarratas seo ansin chuig an nGrúpa Comhairleach Tráchta lena scrúdú. Molfar i dtuarascáil ón Innealtóir Tráchta Ceantair scéim a fhad agus go gcomhlíontar critéir áirithe.

Tá Scéimeanna Páirceála Íoc agus Taispeáin agus Ceadanna Cónaitheoirí faoi réir chomhaontú na gcónaitheoirí lena mbaineann, atá liostaithe ar Chlár na dToghthóirí, agus seolfar ballóid chucu chun a dtuairim a chinneadh; agus tabharfar isteach é má vótálann tromlach na gcónaitheoirí i bhfabhar na scéime. Glacann tuairim is seacht mí ó dháta na ballóide ar an bpróiseas.

Rialacha maidir le Páirceáil Ceadanna Cónaithe

Tá an Córas Páirceála Ceadanna Cónaithe bunaithe ar Fhodhlíthe um Rialú Páirceála Chomhairle Cathrach Bhaile Átha Cliath, 2014:

• Fodhlíthe um Rialú Páirceála Chomhairle Cathrach Bhaile Átha Cliath, 2014

Scríobh chuig an seoladh seo chun cóip a iarraidh:

Comhairle Cathrach Bhaile Átha CliathAn Roinn Comhshaoil agus Iompair

Bloc 2, Urlár 6

Oifigí na Cathrach

Cé an Adhmaid

Baile Átha Cliath 8

D08 RF3F.

Complete online Transport Service Request Form: http://www.dublincity.ie/trafficservice