Póstaeir Thoghcháin a Chur in Airde

Má dheimhnítear go bhfuil póstaer in airde ag aon tráth lasmuigh den tréimhse reachtúil seo, eiseofar fíneáil €150 in aghaidh an phóstaeir aonair.

Limistéir a Fhágtar as an Áireamh

In Aibreán 2007, ghlac Comhairle Cathrach Bhaile Átha Cliath le Prótacal chun Póstaeir/Fógraí Sealadacha a chur in airde ar réadmhaoin Chomhairle Cathrach Bhaile Átha Cliath chun Imeachtaí/Cruinnithe Poiblí a fhógairt. Cuireann an Prótacal seo cosc ar phóstaeir a chur in airde ar Shráid Uí Chonaill, Sráid Grafton agus Sráid Anraí. Tá a mhacasamhail de shocrú i bhfeidhm don Olltoghchán.

Buarthaí Sábháilteachta  

Fuair an Chomhairle roinnt mhaith gearán ó thiománaithe agus coisithe maidir le póstaeir thoghcháin a bhfuil guais á cruthú acu. Thug ár bhfoireann féin roinnt buarthaí chun solais, chomh maith. Baineann na príomh-shaincheisteanna leis an méid seo a leanas:

• Póstaeir atá sa bhealach ar infheictheacht chomharthaí/fógraí tráchta/coisithe. Is póstaeir is cúis le go leor de na fadhbanna a chuirtear in airde ar chuaillí in aice comharthaí nó fógraí.
• Póstaeir atá faoi bhun airde chinn nó atá curtha ar an talamh. Is féidir leis na póstaeir seo bacainní a chruthú ar chosain agus tá siad an-ghuaiseach dóibh siúd a bhfuil lagú amhairc orthu.
• Ceangail chábla atá ar leibhéal a d’fhéadfadh coisithe, go háirithe leanaí a ghortú.

Nuair a chuirtear foireann Chomhairle Cathrach Bhaile Átha Cliath ar an eolas ar phóstaeir a meastar go bhfuil guais á cruthú acu, bainfear iad agus gheofar réidh leo.

Tabhair faoi deara, le do thoil, láimhseálfaidh ár nIonad Seirbhísí do Chustaiméirí gearáin faoi aon phóstaeir a meastar go bhfuil guais á cruthú acu do thiománaithe nó coisithe. Is féidir teagmháil a dhéanamh leis an ionad ar an uimhir ghutháin: 2221000 nó ar ríomhphost: [email protected]

Is féidir leis na treoirlínte seo cabhair a thabhairt lena chinntiú nach gcruthaíonn póstaeir guais don phobal:

• Ba cheart póstaeir a chur in airde ar airde íosta 2.3 méadar os cionn cosán, raonta rothar nó aon limistéar a mbíonn teacht ag coisithe orthu.
• Níor cheart póstaeir a chur in airde ar chuaillí lampa a ngabhann sreabhadh leictreachais líne lasnairde tharstu, cuaillí comhartha tráchta, uchtbhallaí droichid, uasbhealaí, droichid coisithe, ná ar bhacainní tráchta cois bóthair.
• Níor cheart go mbeadh póstaeir sa bhealach ar chomharthaí bóithre reachtúla ná ar fhógraí tráchta/coisithe ar bhealach ar bith.
• Ba cheart póstaeir a cheangal go daingean le cuaillí le ceangail chábla nó lena mhacasamhail d’ábhar chun baint a éascú gan díobháil a dhéanamh do na cuaillí.

Tabhair faoi deara, le do thoil, ba cheart ceangail chábla a bhaint nuair a bhíonn póstaeir á mbaint anuas.