Spraoi Teaghlaigh Saor in Aisce faoi Bhláth ag imeacht Chomhairle Cathrach Bhaile Átha Cliath, Féile na Rósanna Pháirc San Anna 2026

Tá Comhairle Cathrach Bhaile Átha Cliath ag tabhairt cuiridh do theaghlaigh, lucht dúlra agus chuairteoirí ar fud fad na cathrach taitneamh a bhaint as deireadh seachtaine lán le bláthanna, ceol, bithéagsúlacht agus siamsaíocht saor in aisce don teaghlach ar fad ag Féile na Rósanna Pháirc San Anna, a bheidh ar siúl i bPáirc San Anna, Ráth Eanaigh ó 10.00r.n. – 6.00i.n. Dé Sathairn 18 Iúil agus Dé Domhnaigh 19 Iúil 2026.

Beidh ceol beo, siamsaíocht do pháistí, gníomhaíochtaí dreapadóireachta, ealaíona agus ceardaíocht, taispeántáin timpeallachta agus seisiúin folláine ar siúl agus beidh bia ó fud fad an domhain ar fáil i nGairdín Rósanna íocónach Bhaile Átha Cliath, ag an bhféile saor in aisce seo: is cinnte gurb é seo ceann de na himeachtaí is mó a bhfuiltear ag súil leis an samhradh seo.

Agus é ag labhairt roimh an bhféile, dúirt Ard-Mhéara Bhaile Átha Cliath Daryl Barron, ‘Is onóir é do Chomhairle Cathrach Bhaile Átha Cliath tacaíocht a thabhairt d’Fhéile na Rósanna, atá ina traidisiún samhraidh anois agus a bhfuil grá ag glúnta do dhaoine as Baile Átha Cliath di. Léiríonn an fhéile áilleacht Pháirc San Anna agus í ag tabhairt daoine le chéile chun taitneamh a bhaint as an nádúr, ceol, bithéagsúlacht agus spiorad pobail. Tá rud éigin ann do gach duine le clár iontach de ghníomhaíochtaí agus imeachtaí atá saor in aisce, agus molaim do dhaoine as gach aoisghrúpa teacht agus taitneamh a bhaint as an deireadh seachtaine.’

Bíonn an fhéile ar siúl laistigh den pháirc stairiúil atá 270-acra, Páirc San Anna, nuair a bhíonn buaic an tséasúir ar siúl sa Ghairdín Rósanna cáiliúil, atá tar éis a bheith ann ar feadh 51 bliain anois. Beidh an deis ag cuairteoirí na mílte rós a fheiceáil nuair atá siad i lán a réime agus taitneamh a bhaint as clár atá lán le himeachtaí agus gníomhaíochtaí.

Is é an Sráidbhaile Bithéagsúlachta ceann de na háiteanna a bhfuil an-tóir air ag an bhféile i mbliana, a chuireann an obair atá á déanamh ag eagraíochtaí timpeallachta, caomhnaithe, oidhreachta agus pobail ó gach cearn d’Éirinn os comhair an phobail. Is féidir le cuairteoirí buail le saineolaithe, féach thart ar na taispeántáin idirghníomhacha agus foghlaim níos mó faoi bhithéagsúlacht, ghníomhú ar son na haeráide, chaomhnú fiadhúlra agus mhaireachtáil inbhuanaithe.

Seo iad na heagraíochtaí a mbeidh ag freastail ar an bhféile i mbliana:

• Eco-UNESCO
• Clean Coasts
• Kildare Wildlife Trust
• Treasure the Tolka
• Irish Herpetological Society
• Dublin Community Growers
• An tSeirbhís Páirceanna Náisiúnta agus Fiadhúlra (NPWS)
• Irish Wildlife Trust
• Gníomhú ar son na hAeráide Chomhairle Cathrach Bhaile Átha Cliath
• Coastwatch
• Oifigeach Bithéagsúlachta agus Saineolaí Locháin Choláiste na Tríonóide, Inis
• Seal Rescue Ireland
• Leave no Trace Ireland

Beidh Baile Átha Cliath le Gaeilge i láthair agus iad ag roinnt eolais leis an bpobail faoi @baclegaeilge agus na deiseanna ar fad atá ann chun an Ghaeilge a labhairt agus a fhoghlaim ar fud na cathrach. Má tá Gaeilge líofa agat nó más glantosaitheoir thú, tá fáilte roimh gach duine!

Is féidir le cuairteoirí a bheith ag súil le réimse leathan siamsaíochta i gcaitheamh an deireadh seachtaine, lena n-áireofar ceol beo, an Peak Discovery Climbing Wall, Scaitheamh Tuanna leis an Axe Club, gníomhaíochtaí do pháistí, agus cuairt ó Bhus Leabharlainne Chomhairle Cathrach Bhaile Átha Cliath.

Beidh seisiúin ióga agus Tai Chi saor in aisce ar siúl ag an bhféile chomh maith, a thabharfaidh deiseanna do dhaoine a scíth a ligean agus a n-anáil a tharraingt agus iad ag baint taitnimh as an áit álainn arb í Páirc San Anna. Beidh díoltóirí bia ar an láthair a chuirfidh blasanna ó gach cearn den domhan ar fáil, a chinnteoidh go bhfuil rud ann a riarann ar gach duine.

Beidh an fhéile ar siúl ó 10r.n.-6i.n. Dé Sathairn 18 Iúil agus Dé Domhnaigh 19 Iúil 2026. Tá saorchead isteach. Moltar do chuairteoirí siúl chuig an bhféile, nó rothar nó iompar poiblí a úsáid agus iad ag teastáil chuig an bhféile más féidir. Freastalaíonn go leor bealaí Bhus Átha Cliath ar cheantar Ráth Eanaigh, a chabhraíonn le cuairteoirí plódú a laghdú agus taitneamh a bhaint as turas níos glaise agus iad ag dul chuig an bhféile. 

Fillfidh páirceáil do rothar tar éis an rath a bhí uirthi anuraidh agus déanfar bainistíocht ar pháirceáil rothar don dara bhliain. Beidh páirceáil rothar ar fáil trí Ascaill Chnocán an Radhairc. Déanfaidh Dublin Cycling Campaign maoirseacht ar an áis, a mbeidh féiríní a bhfuil téama rothaíochta acu ar fáil le haghaidh cuairteoirí ádhúla.

Tá sé mar aidhm ag Comhairle Cathrach Bhaile Átha Cliath a chinntiú gur féile í atá fáilteach, ionchuimsitheach agus inrochtana do chách. Beidh cosáin inrochtana ann chun na príomháiteanna den fhéile a cheangail le chéile. Beidh leithris inrochtana le fáil ar an láthair, agus cuirfear áiteanna páirceála inrochtana ainmnithe ar fáil chomh maith. Beidh foireann na féile agus saorálaithe ar fáil i gcaitheamh an deireadh seachtaine chun cúnamh a thabhairt do chuairteoirí agus chun a chinntiú go bhfuil taithí thaitneamhach ag gach duine. 

Tabhair do d’aire gur sheirbhís páirceála gan airgead tirim é an carrchlós ag an bhféile, mar sin caithfear íoc as go digiteach. Moltar do chuairteoirí a gcárta nó modh íocaíochta gan tadhall a thabhairt leo.

Má tá grá agat don gharraíodóireacht nó don dúlra, nó má tá lá spraoi don teaghlach á lorg agat, nó fiú má tá tú ag siúl le taitneamh a bhaint as deireadh seachtaine samhraidh i gceann de na páirceanna is áille i mBaile Átha Cliath, beidh rud éigin ar fáil do gach duine ag Féile na Rósanna Pháirc San Anna. Táimid ag tnúth le fáilte a chur roimh chuairteoirí do dheireadh seachtaine speisialta lán le bláthanna, pobal, foghlaim agus spraoi.

DEIREADH