Roghanna na Foirne: Leabhair páistí
Published on 18th June 2024
Tá na léirmheasanna leabhair seo do léitheoirí óga scríofa ag John ón Lár Leabharlann. Bhain John sásamh as na scéalta breátha Gaeilge seo le déanaí.
Ainmhithe na hÉireann le Juanita Browne, Aistrithe ag Fidelma Ní Ghallchobhair
Is aoibhinn an leabhar nádúir seo. Tá ós cionn fiche cur síos spéisiúil ann ar ainmhithe éagsúla na hÉireann agus tá na pictiúir breá soléir le dathanna feiceálacha. Is tobar eolais é an leabhar ar fad! Is deas an codarsnacht ann idir na hainmhithe roghnaithe, dóibh siúd a bhfuil le feiscint go coitianta timpeall na tíre agus cúpla ceann neamhcoitianta ina measc. Tá gluais cuimsitheach ag chúl an leabhair agus leideanna ana mhaith ann do thuismitheoirí agus do mhúinteoirí le tacú a thabhairt leis an bhfiadhúlra.
Caoilte Caillte sa Mhúsaem le Gemma Nic Conchara
Is scéal faoi bhuachaill óg scoile dárb ainm Caoilte, agus rógaire ceart é freisin, a dtéann ar strae le linn aistear scoile chuig an Músaem Stair an Dúlra. Ní mar a shítear a bhítear sa mhúsaem áirithe seo! Tá na léaráidi gleoite ar fad agus cuireann siad go mór le heachtra an bhuachalla óg agus a chairde úra. Bhainfeadh leanaí scoile agus éinne a thug cuairt riamh ar an Músaem seo taitneamh as scéal Caoilte. Seans go mbeadh fonn ar an léitheóir dul ar cuairt chuig an Músaem díreach tar éis é a léamh!
An Drúchtín agus an Seilide le Oein de Bhairduin
Tá an scéal seo fréamhaithe i seanachas Lucht Siúil na hÉireann. Is scéal é faoi dhá dhrúchtín, sona sásta i bhfochair a chéile, a bhuaileann le préachán sa choill. De dheasca an comhrá seo, eiríonn easaontas idir an dá drúchtín agus titeann cúrsaí amach ina dhiaidh. Níos mó ná sin, is scéal tráthúil é faoi cairdeas, éagsúlacht agus féin glacadh sa domhan mór. Tá scoth na Gaeilge le léamh agus le foglaim sa leabhar seo. Bhainfeadh gach léitheoir, idir óg is aosta, tairbhe as.
Dog Man as Gaeilge le Dav Pilkey, Aistrithe ag Máirín ní Mhárta
Tá clú agus cáil bainte amach ag Dog Man i mBéarla le cúpla bliain anuas. Is iontach an rud é go bhfuil leagan aistrithe go Gaeilge faoi láthair, nó an leagan woof-igúil mar a deirtear! Lean an madra botúnach seo agus a chairde agus iad sa tóir ar bithiúnaigh éagsúla, a leithéid de Petey an phríosiúnach chait agus na Weenies, a bhfuil fonn orthu an bhaile a scriosadh. Is leabhar greannmhar é Dog Man go cinnite, an caidreamh idir Dog Man agus an Ceannnfort ach go h’áirithe. Tá an leabhar maisithe go hiontach comh maith agus is iontach an rud é go bhfuil an tarna leabhar sa sraith, Scaoilte Amach, ar fáil freisin.