1. Caighdeáin Cháilíocht na Seirbhíse
Leagtar amach cineál agus cáilíocht na seirbhíse inár gCairt Custaiméirí, ar féidir le custaiméirí a bheith ag súil léi agus iad i mbun teagmhála leis an gComhairle Cathrach. Tá an Chairt Custaiméirí leagtha amach in Aguisín 1.
Agus ár ngealltanais á mbaint amach againn sa Chairt Custaiméirí, déanfaidh an Chomhairle Cathrach iarracht seirbhís do chustaiméirí thar cionn a chur ar fáil mar seo a leanas:
Seirbhís Teileafóin
- Freagrófar an teileafón go sciobtha agus go múinte
- Tabharfar an t-eolas atá uait ar bhealach cabhrach
- Chomh fada agus is féidir, rachfar i ngleic le do cheist ar an gcéad ghlaoch gutháin
- Cuirfear do ghlaoch ar aghaidh chuig an duine is cuí chomh sciobtha agus is féidir
- Tabharfar ainm agus uimhir theileafóin an duine atá ag plé le do cheist duit, ar fhaitíos go mbeadh ort glaoch a chur arís
- Murar féidir freagra a thabhairt duit ar an bpointe, breacfar síos do chuid sonraí agus cuirfear glaoch ort nuair a fheileann sé duit, agus tabharfar ainm ball foirne duit a chuirfidh glaoch ar ais ort
Cuairteoirí ár n-oifigí poiblí
- Beifear múinte, cúirtéiseach agus cothrom i mbun plé leat
- Rachfar i ngleic le do cheist chomh sciobtha agus is féidir
- Léireofar meas ar do phríobháideachas agus cuirfear saoráidí príobháideacha do chruinniú ar fáil, más gá
- Cinnteofar go mbeidh an scuaine is lú agus is féidir ann. Murar féidir an scuaine a sheachaint, anois is arís, cuirfear ar an eolas thú maidir leis seo agus míneofar na cúiseanna atá leis duit
- Coinneofar ár n-oifigí poiblí sábháilte, glan agus inrochtana do chách
- Chomh fada agus is féidir, beidh uaireanta caighdéanaithe ann don soláthar seirbhíse
Comhfhreagras scríofa (r-phost & post)
- Cuirfear in iúl go bhfuarthas an comhfhreagras laistigh de 5 lá oibre agus déanfar iarracht freagra a thabhairt laistigh de 15 lá oibre nó níos lú
- Scríobhfar chomh soiléir agus simplí agus is féidir, agus úsáidfear a laghad téarmaí teicniúla agus is féidir. Má úsáidtear téarmaí teicniúla, míneofar iad
- Tabharfar ainm teagmhála, uimhir theileafóin, seoladh ríomhphoist agus uimhir thagartha duit i ngach comhfhreagras scríofa
- Cuirfear ríomhphost ‘as oifig’ chugat má bhíonn ball foirne as láthair ar feadh níos mó ná 3 lá oibre agus cuirfear teagmhálaí eile ar fáil duit
Iarratais
- Cuirfear in iúl go bhfuarthas d’iarratas agus déanfar é a phróiseáil laistigh de tréimhse aontaithe
- Déanfar cinneadh maidir le d’iarratas chomh sciobtha agus is féidir
- Pléifear le gach iarratas go seasta, cothrom
- Míneofar ár gcinntí uilig
- Cuirfear ar an eolas thú maidir le do cheart achomharc a dhéanamh agus conas achomharc a dhéanamh in aghaidh ár gcinnidh
- Cinnteofar go n-úsáidtear na sonraí pearsanta a fuarthas don aidhm ar lorgaíodh iad amháin
Seirbhísí Ar Líne
- Cinnteofar go bhfuil sé éasca eolas, foirmeacha agus foilseacháin a aimsiú ar ár suíomh gréasáin
- Cinnteofar go bhfuil sé éasca trácht, gearán nó aighneacht a chur isteach ar ár suíomh gréasáin
- Cinnteofar go gcomhlíonann ár suíomh gréasáin na caighdeáin inrochtaineachta
- Leanfar ar aghaidh ag cur lenár seirbhísí ar líne ionas go mbeidh tú ábalta rochtain a fháil ar ár seirbhísí ag am agus in áit a fheileann duit
- Cuirfear ar an eolas láithreach thú nuair a fhaightear do cheist, d’iarratas nó d’íocaíocht ar ár seirbhísí ar líne
Seirbhísí trí Ghaeilge
Tá sé de cheart ag gach custaiméir a chuid gnó a dhéanamh trí Ghaeilge nó trí Bhéarla linn. Tá sé mar aidhm againn seirbhísí a thairiscint agus a chur ar fáil sa dá theanga.
ID an Bhirt | Bearta |
---|---|
1.1 | Ár gCairt Custaiméirí a bheith ar taispeáint go feiceálach inár n-oifigí agus saoráidí poiblí go léir |
1.2 | Measúnú neamhspleách seachtrach a lorg d’fheidhmíocht an Ionaid Seirbhísí do Chustaiméirí chun cabhrú le seirbhís ardchaighdeáin do chustaiméirí a chur ar fáil i gcónaí |
1.3 | Monatóireacht a dhéanamh ar aiseolas agus ar ghearáin ó chustaiméirí chun réimsí inar féidir dul chun cinn a dhéanamh a shainaithint |