Ár Misean agus Éiteas

Ag croílár obair an Aonaid um Leas Ainmhithe tá iarracht a dhéanamh a chinntiú gur áit shábháilte d’ainmhithe í cathair Bhaile Átha Cliath. Faigh níos mó eolais faoi na prionsabail a bhfuil ár gcuid oibre á treorú acu.

Tá an tAonad um Leas Ainmhithe i gceannas ar cheadúnú agus rialú madraí agus capall i gceantar riaracháin Chomhairle Cathrach Bhaile Átha Cliath. Tá níos mó ná sin i gceist lenár gcuid oibre, áfach.

Is é an misean atá againn cathair a chruthú ina mbeidh daoine agus ainmhithe breá sásta cónaí taobh lena chéile. Tá sé mar aidhm againn cultúr a chruthú ina mbeidh aire á tabhairt do gach ainmhí. Déanaimid é seo tríd an bpobal a spreagadh agus trí eolas a roinnt leo ionas gur féidir leo díriú ar chúig shaoirse an leasa ainmhithe. Déantar cur síos sa chreat seo a bhfuil cáil dhomhanda air ar na coinníollacha a theastaíonn chun tacú le folláine mheabhrach agus fhisiceach ainmhithe.

graphic outlining the five freedoms of animal welfare framework

Tá obair an Aonaid um Leas Ainmhithe á treorú ag na cúig shaoirse seo i ngach beartas agus cleachtas. Trí chláir forfheidhmithe, oideachais agus phobail, táimid ag iarraidh timpeallacht a chruthú a fhágann nach mbeidh aon ainmhí ag fulaingt mar thoradh ar ocras, tart, míchompord, imní, anacair, pian, gortú nó galar.

Creidimid gur cheart go mbeadh gach ainmhí in ann taitneamh a bhaint as a ngnáthiompar agus saol sona a bheith acu. Tá an t-éiteas seo ag croílár ár seirbhísí agus gníomhaíochtaí ar fad. Trínár gcuid oibre, tá súil againn go mbeidh ar ár gcumas cathair a chruthú ar féidir léi a bheith bródúil as an tslí a gcaitear le gach ainmhí inti.

Fad is atá an dlí á fhorfheidhmiú agus freagairt do thuairiscí fós ag croílár obair Chomhairle Cathrach Bhaile Átha Cliath, tá níos mó béime á leagan againn de réir a chéile ar dheis rannpháirtíochta a thabhairt don phobal i ndáil le mí-úsáid agus faillí ainmhithe a chosc.

Charles Darwin quote reading, There is no fundamental difference between man and animals in their ability to feel pleasure and pain, happiness, and misery.

Déan teagmháil leis an Aonad um Leas Ainmhithe

Tá Aonad um Leas Ainmhithe Chomhairle Cathrach Bhaile Átha Cliath i gcónaí ag iarraidh eolas a roinnt le húinéirí ainmhithe agus an scéal a scaipeadh maidir le cúig shaoirse an leasa ainmhithe. Más mian leat go dtabharfadh duine dár maoir madraí caint i do scoil nó ionad pobail, déan teagmháil linn thíos.

Contact Details