Ár gComhpháirtithe Leasa Ainmhithe

Oibrímid le raon leathan eagraíochtaí chun tacú le cearta ainmhithe ar fud chathair Bhaile Átha Cliath agus tá reachtaíocht leasa ainmhithe á forfheidhmiú againn. I measc ár gcomhpháirtithe tá údaráis áitiúla eile, eagraíochtaí neamhbhrabúis, carthanachtaí ainmhithe, grúpaí tréidliachta, ranna rialtais agus tuilleadh nach iad.

I dteannta a chéile, déanaimid ár ndícheall a chinntiú nach mbíonn aon ainmhí ag fulaingt. In go leor cásanna, oibrímid lenár n-eagraíochtaí comhpháirtíochta chun ainmhithe a tharrtháil, agus a athshlánú agus chun úinéirí nua a fháil dóibh. Trínár gcomhpháirtithe, tá seirbhís neodraithe á cur ar fáil againn freisin.

Cuireann ár gcomhpháirtíocht leis an nGarda Síochána ar ár gcumas an dlí a fhorfheidhmiú. Mar údarás ceadúnúcháin, tá Comhairle Cathrach Bhaile Átha Cliath freagrach as gach gné den reachtaíocht a bhaineann le cóireáil madraí agus capall a fhorfheidhmiú. Go minic glacaimid páirt in oibríochtaí comhpháirteacha leis an nGarda Síochána chun imscrúdú a dhéanamh ar thuairiscí. Tugaimid cuairt ar pháirceanna le chéile freisin chun úinéireacht madraí fhreagrach a spreagadh agus chun daoine a spreagadh chun an dlí a chomhlíonadh.

Ainneoin go bhfuilimid ag díriú go speisialta ar leas madraí agus capall, oibrímid le comhpháirtithe cosúil le Zú Bhaile Átha Cliath, CBFA, Fiadhúlra Chill Dara agus OOP chun tacú le leas gach ainmhí sa chathair. Má thuairiscíonn ball den phobal go bhfuil aon chineál ainmhí in anacair, cuirfimid an chabhair chuí ar fáil dóibh.

Chomh maith leis sin, tairgimid ranníocaíochtaí airgeadais d’eagraíochtaí a bhfuil an t-éiteas céanna acu agus atá againn féin agus a chloíonn le creat Chúig Shaoirse an Leasa Ainmhithe.

Déan teagmháil leis an Aonad um Leas Ainmhithe

Tá Aonad um Leas Ainmhithe Chathair Bhaile Átha Cliath toilteanach i gcónaí oibriú le comhpháirtithe nua. Má theastaíonn tuilleadh eolais uait, déan teagmháil linn thíos.