Beartas Páirceála agus Forfheidhmiú
Agus iarratas á dhéanamh agat ar Chead Páirceála, bailíonn an t-Ionad Seirbhísí do Chustaiméirí do chuid faisnéise thar ceann na Rannóige Beartais Pháirceála & Forfheidhmithe chun ceadanna páirceála a phróiseáil.
Déantar foráil don bhunús dlí faoi Fhodhlíthe Chomhairle Cathrach Bhaile Átha Cliath um Rialú Páirceála 2014. Tá an fhaisnéis a bhailímid teoranta do na sonraí a theastaíonn chun iarratais a phróiseáil de réir na bhFodhlíthe um Rialú Páirceála maidir le ceadanna páirceála do chónaitheoirí.
Is féidir go roinnfear an fhaisnéis le:
- Seirbhísí do Chustaiméirí Chomhairle Cathrach Bhaile Átha Cliath
- Conraitheoir Forfheidhmithe Páirceála Chomhairle Cathrach Bhaile Átha Cliath (Seirbhísí Páirceála Shráid Bhaile Átha Cliath faoi láthair)
- An Rannóg um Beartas Páirceála agus Forfheidhmiú
- Bainistíocht agus Foireann Ghairmiúil Chomhairle Cathrach Bhaile Átha Cliath
- An Garda Síochána
Coinneofar an fhaisnéis go léir a bhailíonn an Rannóg um Beartas Páirceála agus Forfheidhmiú go díreach ina bhfuil faisnéis phearsanta a bhaineann le beartas páirceála agus le cúrsaí forfheidhmithe chun críocha athbhreithnithe inmheánaigh ar feadh tréimhsí idir 1 agus 2 bhliain.
Coinneofar aon sonraí pearsanta a bhaineann le híocaíochtaí nó aisíocaíochtaí airgeadais ar feadh 6 bliana chun ceanglas Iniúchta na Roinne Airgeadais a chomhlíonadh.
Coinnítear aon fhaisnéis a bhailítear mar fhreagra ar cheisteanna ón nGarda Síochána ar feadh tréimhse 2 bhliain.