Tionscadail Iompair Lár na Cathrach
Tá sé mar aidhm ag rannóg Tionscadail Iompair Lár Chathair Chomhairle Cathrach Bhaile Átha Cliath na tionscadail iompair a shonraítear i Staidéar Iompair Lár Chathair Bhaile Átha Cliath 2016 a sheachadadh. Chun ár n-oibleagáidí a chomhlíonadh maidir le comhairliúchán poiblí reachtúil agus neamhreachtúil maidir le tionscadail nua a chur chun cinn, baileoimid sonraí teagmhála maidir le daoine agus eagraíochtaí. Féadfaimid sonraí teagmhála a choinneáil freisin dóibh siúd a bhfuil tionchar díreach ag scéim bheartaithe orthu agus mar shampla más féidir linn rochtain ar mhaoin a iarraidh chun suirbhé topagrafach nó struchtúrach a dhéanamh.
Is iad na cineálacha sonraí pearsanta a d'fhéadfaí a iarraidh ort a sholáthar ná do shonraí teagmhála chun cumarsáid éifeachtach a dhéanamh. Ní gá duit na sonraí teagmhála go léir a sholáthar ach má sholáthraíonn tú níos mó, mar shampla ríomhphost, fón, seoladh, bíonn sé níos éasca cumarsáid a dhéanamh.
Is féidir go roinnfear an fhaisnéis le:
- Comhairleoir Tionscadail atá ag obair go díreach thar ceann DCC i seachadadh tionscadal iompair a shonraítear i Staidéar Iompair Lár Chathair Bhaile Átha Cliath.
- Oifig luachála DCC agus ranna dlí (má tá gá le haistriú nó ceannach talún i gcomhar lenár dtionscadail).
- Ár ngníomhaireacht mhaoinithe (i bhformhór na gcásanna is é seo an tÚdarás Náisiúnta Iompair).
Coinnítear do chuid faisnéise ar feadh tréimhse 1 bliain tar éis chríochnú thógáil an tionscadail. Beidh an tréimhse ama do chríochnú na tógála éagsúil ó thionscadal go tionscadal ag brath ar a chastacht, ar infhaighteacht maoinithe srl.